O‘zbekistonda ichki ishlar organlariga bir qator yangi boshliqlar tayinlandi

Ba’zi viloyatlarda ichki ishlar organlarining yangi boshliqlari tayinlandi, deb yozadi “Gazeta.uz” O‘zbekiston Ichki ishlar vazirligining “Na postu” gazetasiga tayanib.

Toshkent viloyatida Bekobod shahar ichki ishlar bo‘limi boshlig‘i podpolkovnik Elmurod Sultonov, O‘rtachirchiq tuman ichki ishlar bo‘limi boshlig‘i — podpolkovnik Ikromjon Shoakbarov bo‘ldi.

Samarqand viloyatida Narpay tuman ichki ishlar bo‘limi boshlig‘i lavozimini podpolkovnik Tojiddin Eshnazarov egalladi.

Namangan viloyatida Kosonsoy tuman IIBga boshliq etib podpolkovnik Furqat Mirzayev, Yangiqo‘rg‘on tuman IIBga — podpolkovnik Nosirjon Mirzahmedov, Mingbuloq tuman IIBga — mayor Avazbek Xo‘jaxonov tayinlandi.

Surxondaryo viloyatida Oltinsoy tuman IIBga mayor Asliddin Mirzayev, Angor tuman IIBga — mayor Kamoliddin Xidirov boshliq bo‘ldi.