G‘ijduvon tuman IIBga “Bobur” MFYda yashovchi tumandagi 1-sonli maktab o‘qituvchisi A.Safarova ariza bilan murojaat qilgan. Arizaga ko‘ra, tungi vaqtda noma’lum shaxs uning uyiga g‘ayriqonuniy ravishda kirib, 4 815 000 so‘m naqd pullarini, 200 AQSh dollari va 12 turdagi bahosi 17 300 000 so‘mlik tilla-taqinchoqlarini o‘g‘rilab ketgan. Bu haqda Buxoro viloyati IIB xabar berdi.
Ichki ishlar idoralari xodimlari tomonidan olib borilgan surishtiruv ishlari davomida ushbu jinoyatni 1968-yilda tug‘ilgan U.Ahmedov sodir qilganligi aniqlangan.
Mazkur holat yuzasidan U.Ahmedovga nisbatan O‘zbekiston Respublikasi Jinoyat Kodeksining 169-moddasi 2-qismi bilan jinoyat ishi qo‘zg‘atilgan.
Izoh (0)