Quddusdagi Ibodatxona tog‘iga chiqishda videokameralar o‘rnatila boshlandi
Isroil xavfsizlik xizmati Quddusdagi Ibodatxona tog‘iga chiqish joyiga kuzatuv kameralari o‘rnata boshladi. Bu haqda “Interfaks” xabar bermoqda.
Mahalliy televideniye orqali xabar qilinishicha, kameralar o‘rnatilishi 23-iyul ertalabki soatlarida boshlangan.
Ilgari xabar qilinganidek, o‘tgan hafta uch jangari Ibodatxona tog‘ida ikki politsiyachini o‘ldirib ketgani bu hududda xavfsizlik choralarining kuchaytirilishiga sabab bo‘ldi. Jumladan, Ibodatxona tog‘iga chiqish uchun metall aniqlovchi romlardan o‘tish talab etiladi. Bundan tashqari, elikka to‘lmagan musulmonlarga al-Aqsoda namoz o‘qish taqiqlandi.
Bu choralar mahalliy musulmonlar orasida keskin noroziliklarga sabab bo‘ldi. Ular namoyishlar uyushtirmoqda, shuningdek, politsiya bilan to‘qnashuvlarga kirishmoqda.
