Meksikada xonadonga bostirib kirgan noma’lum shaxslar 11 kishini otib tashladi. Bu haqda Reuters xabar bermoqda.
Hodisa Idalgo shtatining Tisayuka munitsipiyasida ro‘y berdi. Guvohlarga ko‘ra, niqob kiyib olgan bir guruh erkak uyga kirib, u yerda bo‘lgan barcha katta yoshdagi kishilarni o‘qqa tutdi.
7 nafar erkak va 4 ayol halok bo‘ldi. Uydagi 4 dan 14 yoshgacha bo‘lgan bolalardan hech kim jabrlanmadi.
Politsiya mazkur hujum narkosavdogarlar o‘rtasidagi raqobatga aloqador bo‘lishi mumkinligini istisno etmadi.
Izoh (0)