AQShning birinchi xonimi Melaniya Tramp muzokaralar vaqtida turmush o‘rtog‘i Donald Tramp va Vladimir Putin o‘rtasidagi uchrashuv bo‘lib o‘tayotgan xonaga kirdi. Bu haqda AQSh davlat kotibi Reks Tillerson ma’lum qildi, deb xabar berdi “Interfaks”.
“Barcha eshik yonida turardi. Men hatto ular (Trampning jamoasi a’zolari) birinchi xonimni bizni u yerdan olib chiqa oladimi-yo‘qmi shuni sinash uchun yuborgan deya o‘yladim, biroq bu ham yordam bermadi”, — dedi Tillerson amerikalik jurnalistlarga. Shundan so‘ng AQSh va Rossiya yetakchilarining muzokaralari yana bir soat davom etdi.
“Albatta, uning o‘ylagani amalga oshmadi”, — dedi Tillerson.
Donald Tramp va Vladimir Putinning Gamburgdagi uchrashuvi 40 daqiqaga rejalashtirilgan bo‘lishiga qaramay, ikki soatdan ortiq davom etdi. AQSh davlat kotibining aytishicha, “ularning hech biri suhbatni to‘xtatishni istamagan”.
Rossiya Tashqi ishlar vaziri Sergey Lavrovning ta’kidlashicha, “prezidentlar AQSh, Rossiya hamda jahon hamjamiyatining manfaatlariga javob beradigan yechimlarni izlash uchun katta moyillik ko‘rsatgan”.
Izoh (0)