Saudiya Arabistoni, BAA, Bahrayn va Misr 7-iyul, juma kuni e’lon qilingan qo‘shma bayonotda Qatarni amirlik atrofidagi diplomatik tanglikni bartaraf etishni istamaslikda aybladi. Bu haqda “TASS” xabar bermoqda.
Al Jazeera telekanaliga ko‘ra, arab davlatlari Qatar egallagan qat’iy mavqe amirlikning terrorchilar bilan aloqalarini tasdiqlayotganini da’vo qilmoqda.
Doha Kuvaytning muammoni hal etish bo‘yicha urinishlarini chippakka chiqarib, tanglikni bartaraf qilishga qaratilgan talablarni rad etmoqda. Shu bilan birga, Qatar Fors ko‘rfazi va arab dunyosining ajralmas qismi hisoblanadi.
“Biz huquqlarimiz, xavfsizlik va barqarorlikni ta’minlash, manfaatlarimizni Qatar rahbariyatining tajovuzkorona siyosatidan himoya qilish uchun o‘zimiz zarur deb bilgan siyosiy, iqtisodiy va qonunchilik ko‘rinishidagi barcha choralarni ko‘ramiz”, — deyiladi bayonotda.
Izoh (0)