Bekobodda mast ota o‘z o‘g‘lini pichoqlab qo‘ydi

Bekobod tumanida alkogol ichimlik ta’siridagi ota o‘z o‘glini pichoqlab qo‘ydi. Bu haqda Toshkent viloyati IIB ma’lum qildi.

3-iyul soat 00:10 da Bekobod tuman Xos fermerlar uyushmasida yashovchi 1954-yilda tug‘ilgan nafaqaxo‘r, muqaddam sudlangan A.B. mast holda o‘g‘li, vaqtincha ishsiz 1995-yilda tug‘ilgan Sh.B.ning uyga kech kelganligi sababli u bilan o‘zaro janjallashgan. Janjal ustiga A.B.ning qo‘shnisi X.U. chiqib, ularni ajratib, A.B.ni uyiga olib chiqib ketgan.

Shu kuni soat 04.00 da A.B. o‘zining uyiga qaytib kelib, hovlidagi supada uxlab yotgan o‘g‘li Sh.B.ni o‘ldirish maqsadida dastasiz pichoq bilan uning o‘ng ko‘krak qafasiga bir marotaba sanchib tan jarohati yetkazgan.

Sh.B. olgan tan jarohati bilan kasalxonaga yotqizilgan.