2017-yilning 3-iyul kuni O‘zbekiston Respublikasi Tashqi ishlar vaziri Abdulaziz Kamilov O‘zbekistonga tashrif buyurgan Rossiya Federatsiyasi Jamoatchilik palatasi a’zosi, “Rus gumanitar missiyasi” tashkiloti bosh direktori Yevgeniy Primakovni qabul qildi. Bu haqda vazirlik matbuot xizmati xabar bermoqda.
Muloqot chog‘ida O‘zbekiston—Rossiya munosabatlarining ba’zi masalalari madaniy-gumanitar aloqalarni rivojlantirish nuqtayi nazaridan muhokama qilindi.
Yevgeniy Primakov o‘zining O‘zbekistonga tashrifi dasturi to‘g‘risida so‘zlab berdi. Dasturga ko‘ra Savdo-sanoat palatasi, Amir Temur Xalqaro jamg‘armasi, “O‘zbekiston—Rossiya” do‘stlik jamiyatida uchrashuvlar o‘tkazish hamda qator obyektlarda bo‘lish rejalashtirilgan.
Uchrashuvda xalqaro va mintaqaviy masalalar yuzasidan fikr almashildi.
Izoh (0)