Xitoy foydalanuvchilarining mobil dasturlarga xarajatlari 2020-yilga kelib 56 milliard dollargacha yetishi mumkin. Bu hozirgi ko‘rsatkichlardan deyarli uch barobar ko‘p, deya xabar beradi “TASS”.
Mobil dasturlar bozori tahlili bilan shug‘ullanadigan App Annie kompaniyasiga ko‘ra, hozirda Xitoyda iOS va Android platformalarining 800 millionga yaqin foydalanuvchisi bor. Ular o‘tgan yili mobil telefonlaridagi dasturlar uchun 19 milliard dollarga yaqin mablag‘ sarfladi.
Shanxay, Pekin va Shenchjen shaharlari aholisi xususan bu borada yetakchilik qilmoqda.
Xitoyda ko‘ngilochar, ovqatlanish industriyasi, sport, sayyohatlar, moliya, shaxsiy aktivlarni boshqarish va aksiyalar savdosiga oid mobil dasturlar ayniqsa ommalashgani qayd etildi.
Izoh (0)