Futbol bo‘yicha O‘zbekiston kubogining chorak finalidan joy olgan uch bellashuv bugun — 30-iyun kuni bo‘lib o‘tadi.
Bunda Vadim Abramov va Mirjalol Qosimov boshchilik qilayotgan ikki klub o‘zaro Farg‘onada to‘qnash keladi. Ikki o‘yin natijasiga ko‘ra g‘oliblikni qo‘lga kiritgan tomon O‘zbekiston kubogining yarim finaliga yo‘llanma oladi.
“Neftchi” Oliy liganing birinchi davrasini 15-o‘rinda yakunlagan bo‘lib, Abramov tashrifidan keyin uch uchrashuv o‘tkazdi va ikki bor mag‘lub bo‘ldi, bir marta durang o‘ynadi. Turnir jadvalida 12-o‘rinni egallab turgan “Bunyodkor” esa Mirjalol Qosimov boshqaruvida G‘uzorning “Sho‘rtan” klubini kubokdagi ikki o‘yin natijasiga ko‘ra 5:0 hisobida taslim qilib, turnirdan chiqarib yuborgandi. Chempionat doirasida esa olti o‘yinda ishtirok etib, ikkita o‘yinni boy berdi, ikki marta durang o‘ynadi va ikki marta g‘olib chiqdi. Zafar quchgan o‘yinlarida kuchli uchlikda borayotgan jamoalarga qarshi to‘p surdi.
Bugun, shuningdek, Qarshining “Nasaf” klubi rekonstruksiyadan chiqqan stadionda “Qo‘qon-1912” klubini qabul qiladi. Bellashuv oldidan qarshilik futbol muxlislari uchun bayram dastari taqdim etiladi. Va nihoyat uchinchi uchrashuvda “Mash’al” Samarqandning “Dinamo” klubi mehmoni bo‘ladi.
O‘zbekiston kubogi chorak finalidan joy olgan to‘rtinchi uchrashuv 4-iyul kuni bo‘lib o‘tadi va unda “Buxoro” o‘z maydonida Toshkentning “Lokomotiv” klubini qabul qiladi. Mazkur o‘yin qolganlaridan kechroq o‘tishiga sabab shundaki, “temiryo‘lchilar” bugun Oliy liganing 3-turidan qolib ketgan o‘yinida “Metallurg”ni qabul qiladi.
O‘zbekiston kubogi Chorak final 30-iyun, juma
“Dinamo” — “Mash’al”“Neftchi” — “Bunyodkor”“Nasaf” — “Qo‘qon-1912”
4-iyul, seshanba“Buxoro” — “Lokomotiv”
O‘zbekiston Oliy ligasi 3-turdan qolgan o‘yin 30-iyun, juma
“Lokomotiv” — “Metallurg”
Izoh (0)