Germaniya Federal razvedka xizmati (BND) ko‘p yillar davomida AQShning harbiy va hukumat organlarini, xususan, Oq uyni kuzatgan. Bu haqda Germaniyaning Der Spiegel jurnali BND ichki hujjatlariga tayanib ma’lum qildi, deb yozadi “Interfaks”.
“1998—2006-yillarda BND kuzatuv uchun to‘rt mingta qidiruv so‘rovlarini, ya’ni ‘selektor’larni amalga oshirgan”, — deb yozadi nashr. Jurnal aniqlik kiritishicha, bunday tushuncha telefon raqamlari, fakslar va elektron pochta manzillari haqida axborot yig‘ishni anglatadi. Shu tariqa, xizmat xodimlari Oq uy, davlat departamenti va AQSh moliya vazirligi faoliyatini kuzatish imkoniyatiga ega bo‘lgan.
Der Spiegel ma’lumotlariga ko‘ra, Germaniya razvedkasi shuningdek, NASA kosmik agentligi, Lockheed Martin aerokosmik firmasi, Human Rights Watch tashkiloti va AQShning boshqa qator muassasalarini ta’qib qilishga alohida e’tibor qaratgan.
Bundan tashqari, Germaniya ko‘rsatilgan davrda chet mamlakatlar va birlashmalarning AQShdagi 100 dan ortiq vakolatxonalarini kuzatgan, ular orasida Xalqaro valyuta jamg‘armasi va Arab davlatlari ligasi bor.
Izoh (0)