Jahonda kompleks kommunikatsiya yechimlarini yetkazib beradigan yetakchi kompaniyalaridan bo‘lgan ZTE 1985-yilda tashkil topgan bo‘lib, O‘zbekiston bozorida 2003-yildan buyon faoliyat ko‘rsatib keladi.
Shu yillar davomida kompaniya har yili mahalliy qariyalar uyiga xayriya mablag‘lari ajratish, boshlang‘ich va o‘rta sinflarga kompyuterlar, oliy o‘quv yurtlariga axborot uskunalarini beg‘araz taqdim etish kabi ijtimoiy ahamiyatga ega ishlarni amalga oshirmoqda.
2016-yil oxirida Samarqand chet tillar institutiga ZTE Smart Classroom taqdim etildi. Ushbu oliy o‘quv yurtida axborot texnologiyalari sohasida ta’lim darajasini takomillashtirish va mahalliy talabalarning Xitoy tilini o‘rganish samaradorligini oshirish maqsadida ZTE kompaniyasi va Samarqand chet tillar instituti mazkur institut professorlari uchun umumiy qiymati 100 million AQSh dollaridan ziyod Smart Classroom tizimini beg‘araz asosda yetkazib berish orqali yordam ko‘rsatish to‘g‘risidagi shartnomani imzoladi.
Smart Classroom tizimi institut o‘qituvchi va talabalariga yangi ta’lim modelidan foydalanish qulayliklarini yaratib beradi. Ular mazkur tizim yordamida real vaqt rejimida interfaol o‘quv jarayonini amalga oshirishi, o‘qituvchilar esa darslarni yanada samarali o‘tishi, ma’ruza paytida har bir talabaning bilim olish samaradorligini o‘z vaqtida boshqarish bo‘yicha tajriba orttirishi mumkin.
Shuningdek, ma’ruzalar jarayonida o‘qituvchi va talabalar real vaqt rejimida o‘zaro hamkorlik qilib, o‘tilgan mavzular bo‘yicha kerakli materiallarni takrorlash va topish imkoniyatiga ega. Kelajakda Smart Education platformasi joriy etilgach, o‘qituvchi va talabalar platformada o‘z o‘quv materiallari bilan o‘rtoqlashib, undan o‘zlariga kerakli o‘quv materiallarini olishi ham mumkin. Zamonaviy Green Education va Smart Education ta’limini o‘zida mujassam etgan ushbu pedagogik ishlarda umuman qog‘oz ishlatilmaydi.
O‘zbekiston Respublikasi Oliy va o‘rta maxsus ta’lim vazirligi, oliy o‘quv yurtlari kompaniyaning Smart Education bo‘yicha qarorini to‘liq tasdiqladi. Tizimdan foydalanish holatiga qarab, hamkorlik yanada rivojlantiriladi va O‘zbekiston Respublikasida Smart Education sohasini kengaytirish davom ettiriladi.
Reklama huquqi asosida
Izoh (0)