Mirobod IIB xodimlari 7-iyun, chorshanba kuni soat 24:00 atrofida tuman hududida Davron Rixsiyevni (ism-familiyalar o‘zgartirilgan) daliliy ashyo bilan qo‘lga oldi. Bu haqda Toshkent shahar IIBB matbuot xizmati ma’lum qildi.
U Abdurahmon Hakimovga tegishli bo‘lgan Nexia 2 salonidan jami 375 ming so‘m pulni o‘g‘rilab, voqea joyidan yashirinmoqchi bo‘lganida tungi xizmatni olib borayotgan xodimlar tomonidan qo‘lga olindi.
Mazkur holat yuzasidan Mirobod tumani IIB huzuridagi Tergov bo‘limi tomonidan JKning 169-moddasi 1-qismi (o‘g‘rilik) alomatlari bilan jinoyat ishi qo‘zg‘atildi.
Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.
Izoh (0)