JCh—2018 saralash bosqichining 8-turidan o‘rin olgan uchrashuvda Avstraliya termasi Adelaida shahrida Saudiya Arabistonini qabul qildi va 3:2 hisobida muvaffaqiyat qozondi.
Mazkur bellashuv Avstraliyaning Konfederatsiyalar kubogidagi ishtiroki inobatga olinib, qolgan uchrashuvlardan oldinroq bo‘lib o‘tdi. Unda saudiyaliklar ikki marta hisobni tenglashtirishga muvaffaq bo‘ldi. Biroq uchinchi aniq zarbaga javob qaytara olmadi.
Mazkur g‘alabasidan so‘ng Avstraliya termasi ochkolari sonini 16 taga yetkazib, Saudiya va Yaponiya bilan tenglashib oldi. Kunchiqar yurt termasi o‘zib ketish uchun 13-iyun kuni Iroqdan kamida 1 ochko olishi kerak bo‘ladi.
Saudiya va Avstraliya termalarining birinchi to‘qnashuvida 2:2 hisobi qayd etilgandi.
Ma’lumot uchun, Konfederatsiyalar kubogiga Osiyo qit’asi chempioni sifatida yo‘l olgan Avstraliya o‘z guruhida Kamerun, Chili va Germaniya termalariga qarshi kurash olib boradi.
JCh—2018. Saralash “B” guruhi. 8-tur 8-iyun, payshanba
Avstraliya — Saudiya Arabistoni 3:2
Gollar: Tomi Yurich, 7 (1:0). Salim Al-Dovsariy, 23 (1:1). Tomi Yurich, 36 (2:1). Muhammad Ash-Shahlaviy, 45+2 (2:2). Tomas Rogich, 64 (3:2).
Izoh (0)