AQSh boshchiligidagi koalitsiya IShID terrorchilariga qarshi operatsiyani boshlagan vaqtdan beri Iroq va Suriyada “kamida” 484 nafar tinch aholi halok bo‘ldi. Bu haqda koalitsiyaning 2-iyun, juma kungi bayonotida ma’lum qilindi, deb xabar berdi “RIA Novosti”.
“Ayni vaqtda mavjud ma’lumotlarga ko‘ra, operatsiya boshlanganidan beri koalitsiya zarbalari oqibatida kamida 484 nafar tinch aholi halok bo‘ldi”, — deya keltiriladi bayonotda.
Bayonotda ko‘rsatilishicha, “aprel oyida koalitsiya Iroq va Suriyadagi IShID jangarilarini yo‘q qilish operatsiyasi doirasida bergan zarbalari tufayli halok bo‘lganlar haqida 43 ta yangi xabar olgan”.
“Koalitsiya shu vaqtgacha 47 ta hisobotni o‘rganib chiqdi. Ulardan 31 tasi ishonchsiz, 16 tasi esa ishonchli deya topildi”, — deya hujjatda qayd etilgan. Bu “132 nafar tinch aholining o‘limiga sabab bo‘ldi” deb ko‘rsatilgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)