Malidagi BMT tinchlikparvar lageri o‘qqa tutilishi oqibatida fransuz harbiylari yaralandi

Malining shimoliy qismidagi BMT tinchlikparvar lageri o‘qqa tutilishi oqibatida bir necha harbiy yaralandi. Bu haqda Reuters manbalariga tayanib, “Korrespondent.net” xabar bermoqda.

“Hujum chog‘ida bir necha fransuz askari jarohatlandi. Ulardan biri og‘ir holatda”, — deyiladi agentlik xabarida.

Fransiya “Al-Qoida” va u bilan bog‘liq jangarilardan hududni tozalash maqsadida 2013-yili Malidagi BMT missiyasiga qo‘shilgandi.