Hindistonda 9 kishini o‘ldirgan filni qayta tarbiyalash uchun yuborishdi (video)

Hindistonning Kerala shtatida to‘qqiz kishini o‘ldirgan 40 yoshli filni tutib olishdi, deb yozadi Daily Mirror.

Uch yil davomida mahalliy aholini dahshatga solgan filni Palgxat okrugidagi daryo atrofida o‘tlab yurgan holda ko‘rishdi. O‘rmon xodimlari va to‘rt veterinar o‘rgatilgan fillarni minib, uning ortidan bordi va xavfsiz joyga haydab kirgizdi. U yerda jonivorga trankvilizator solingan nayzachani otishdi.

Hayvonni qayta tarbiyalash uchun fillarni qo‘lga o‘rgatish markaziga olib ketishdi.