AQSh prezidentining qizi Ivanka Tramp firmasi poyabzallarini chiqaradigan Xitoydagi fabrika sharoitlarini maxfiy o‘rganayotgan China Labor Watch huquqni himoya qilish tashkiloti faoli qo‘lga olindi. Uning ikki safdoshi bedarak yo‘qoldi. Bu haqda Time manbalariga tayanib, “TASS” xabar berdi.
Jurnal 17 yildan beri faooliyat ko‘rsatadigan va dunyodagi yirik kompaniyalar yetkazib beruvchilarida mehnat qonunchiligiga rioya etilishini o‘rganadigan China Labor Watch (Nyu-York, AQSh) ma’lumotlarini keltirgan.
Tashkilot o‘tgan dam olish kunlari o‘zining Xitoydagi xodimlari — Xua Xayfen, Li Chjao va Su Xen bilan bog‘lana olmadi. Xua Xayfenning turmush o‘rtog‘iga politsiyadan 30-may, seshanba kuni qo‘ng‘iroq qilib, u eri bilan ko‘rishish, gaplashish va pul olishdan mahrum etilganini ma’lum qilishgan.
“Dam olish kunlari uch nafar faolimizga o‘nlab marotaba qo‘ng‘iroq qilishga urindim, biroq bundan natija chiqmadi. Ularni bog‘lanib bo‘lmaslik uchun fabrika yoki politsiyada tutib turilganini taxmin qildik”, — deya ta’kidladi China Labor Watch direktori Li Dzyan.
Ma’lumot uchun, Ivanka Trampning firmasi Xitoy hududida 16 savdo belgisini ro‘yxatdan o‘tkazgan. Yana 4 ta belgi Donald Trampning inauguratsiya marosimidan so‘ng tasdiqlandi.
Izoh (0)