Kozim To‘laganov Davlat arxitektura va qurilish qo‘mitasi raisi o‘rinbosari etib tayinlandi

Kozim To‘laganov O‘zbekiston Davlat arxitektura va qurilish qo‘mitasi raisining o‘rinbosari — Arxitektura-qurilish nazorati davlat inspeksiyasi boshlig‘i etib tayinlandi.

O‘zbekiston Hukumati portali axborotiga ko‘ra, bu haqdagi tegishli qaror 30-may kuni Prezident Shavkat Mirziyoyev tomonidan imzolangan.

Kozim To‘laganov (1949-yilda tug‘ilgan) 1994—2001-yillarda Toshkent shahriga, 2004—2005-yillarda esa Toshkent viloyatiga hokimlik qilgan, 2001—2004-yillarda O‘zbekiston bosh vaziri o‘rinbosari lavozimida mehnat qilgan.