Toshkentning Shahriston ko‘chasidan teleminora tomonga qarab yo‘nalgan avtomobil yo‘lida ayol kishi o‘zini mashina g‘ildiraklari ostiga tashlashga urindi, deb yozadi “1news.uz”. Bu haqda voqea guvohlari ijtimoiy tarmoqlar orqali xabar berdi.
Videoregistrator orqali yozib olinib, Facebook‘dagi “Voditeli Tashkenta” guruhiga joylangan videoda yosh ayol yo‘l chetiga yaqinlashib, so‘ng harakatlanayotgan mashinaga qarab yo‘l olganini ko‘rish mumkin. Shundan keyin mashina qatnaydigan yo‘lning o‘rtasida turib olib, ayol tezda cho‘kka tushib o‘tirdi. Haydovchi tormoz berishga ulgurgach, ayol xotirjamlik bilan o‘rnidan turib, qo‘llarini silkitdi va ortiga qayrilib, ketdi.
Foydalanuvchilar qayd etishicha, shu kunlarda Toshkentda o‘tkinchilar pul ishlab olish yoki haydovchini “laqqa tushirish” maqsadida o‘zlarini mashina ostiga tashlashi bilan bog‘liq holatlar ko‘p uchramoqda.
Izoh (0)