Saudiya Arabistoni va Birlashgan Arab Amirliklari hukumatlari AQSh prezidentining qizi Ivanka Tramp tuzishni taklif qilgan xayriya tashkilotlari hisoblariga jami 100 million dollar ko‘chirib o‘tkazishga va’da berdi, deb yozadi “TASS”.
Ivanka Tramp aprel oyida Berlinga uyushtirgan tashrifi chog‘ida Yaqin Sharqda tadbirkorlik faoliyati bilan shug‘ullanuvchi ayollarga kreditlar shaklida mablag‘ ajratuvchi jamg‘armani yaratish tashabbusi bilan chiqish qilgan edi. Ushbu xayriya jamg‘armasini Jahon banki boshqaradi. Jamg‘armani ta’sis etish jarayoni hali tugallanmagan.
Ivanka Tramp Amerika yetakchisining yordamchisi lavozimida ishlaydi. Otasining inauguratsiyasigacha u o‘zining zargarlik buyumlari, oyoq kiyimlar va aksessuarlar kolleksiyasini chiqarish bilan shug‘ullangan. Shuningdek, prezidentning o‘g‘illari — Erik va kichik Donald bilan bir qatorda u Trump Organization kompaniyasining uchta vitse-prezidentidan biri bo‘lgan. Ammo inauguratsiyadan so‘ng Ivanka oilaviy kompaniyadagi lavozimidan iste’foga chiqishga qaror qildi.
Izoh (0)