Paxtakor tumanida 1200 ga yaqin fuqaroga tadbirkorlik uchun 6 milliard so‘mdan ziyod kredit ajratildi

Jizzax viloyati Paxtakor tumanida 2017—2021-yillarda umumiy qiymati 196,7 milliard so‘m bo‘lgan 212 loyiha amalga oshirilishi va 1546 yangi ish o‘rni yaratilishi rejalashtirilgan. Bu haqda O‘zA xabar bermoqda.

2017-yilning 1-mayiga qadar tumanda tadbirkorlikni rivojlantirish maqsadida Tashqi iqtisodiy faoliyat milliy banki tuman filiali tomonidan 625 fuqaroga 3,5 milliard so‘m, “Agrobank” tuman filiali tomonidan 246 fuqaroga 1,07 milliard so‘m, Xalq bankining tuman filiali tomonidan 295 fuqaroga 1,75 milliard so‘m kredit mablag‘i ajratildi.

Ushbu kreditlarning asosiy qismi chorvachilik, quyonchilik, bog‘dorchilik, asalarichilik, tikuvchilik tarmoqlarini rivojlantirish, tomorqada issiqxona qurish ishlari uchun yo‘naltirildi.