Suriyaning Banyas shahrida yashovchi oila yangi tug‘ilgan farzandiga Vladimir Putin Mayxub deb ism qo‘ydi. Bu haqda “Vesti.ru” xabar bermoqda. Chaqaloqning ota-onasi aniqlik kiritishicha, ular Rossiyaning Suriyaga bergan ko‘magi uchun minnatdorlik sifatida shunday ismni tanlagan.
Vladimir Putin ismli chaqaloq 6-may, shanba kuni Tartus shahridagi kasalxonalardan birida dunyoga keldi. Oila boshlig‘i Nurs Mayxub o‘g‘lini Rossiya va Suriya bayroqlariga o‘rab qo‘ydi.
Bolaning onasi Salva Abbos o‘g‘lining ismini talaffuz qilish qiyin bo‘lishiga qaramay, aynan shu ismni tanlaganidan xursand ekanligini bildirdi.
Izoh (0)