O‘zbekiston Prezidenti Shavkat Mirziyoyev “O‘zbekiston Respublikasida tibbiy ta’lim tizimini yanada isloh qilish chora-tadbirlari to‘g‘risida”gi qarorni imzoladi. Bu haqda Prezident matbuot xizmati xabar berdi.
Tibbiy ta’lim sohasidagi vakolatli organ sifatida Sog‘liqni saqlash vazirligi belgilandi, unga quyidagi vazifalar qo‘shimcha ravishda yuklatildi:
- oliy va o‘rta maxsus, kasb-hunar tibbiy ta’limi, malaka oshirish uchun davlat ta’lim standartlari va talablarini ishlab chiqish va ularning bajarilishini ta’minlash;
- sog‘liqni saqlash mutaxassislarini qayta tayyorlash, shuningdek, oliy malakali ilmiy-pedagogik tibbiy kadrlarni tayyorlash;
- ta’lim davrida tarmoqli va ixtisoslashgan fanlar, klinik o‘quv amaliyoti bo‘yicha o‘quv mashg‘ulotlarini kengaytirish hisobiga, tibbiy ta’lim muassasalari o‘quvchi va talabalarining nazariy va amaliy tayyorgarlik darajasini yaxshilashga qaratilgan chora-tadbirlar kompleksini amalga oshirish;
- tibbiyotni rivojlantirishning zamonaviy yo‘nalishlari bo‘yicha ilmiy-tadqiqot ishlariga professor-o‘qituvchilarni, bakalavriat va magistratura talabalarini keng jalb qilish.
Gumanitar va ijtimoiy-iqtisodiy bloklar bo‘yicha o‘quv soatlarini jami o‘quv vaqtining 7 foizigacha qisqartirish hisobiga, klinikagacha bo‘lgan va klinik bloklar bo‘yicha o‘quv soatlarini jami o‘quv vaqtining 85 foizigacha yetkazish rejalashtirilgan.
Izoh (0)