Shvetsiyadagi Lund universiteti mutaxassislari soniyasiga 5 trillion kadr olish tezligiga ega fotoapparat yaratdi. Bu haqda Light: Science and Applications jurnali xabar bermoqda.
Tadqiqotchilarga ko‘ra, bu dunyodagi eng tezkor ko‘rsatkich hisoblanadi. Ular o‘z kamerasiga yorug‘lik qog‘oz varog‘i qalinligidagi masofadan o‘tayotgani aks etgan rolikni oldi. Jarayon trillion barobar sekinlashtirilgan, chunki aslida bu pikosoniyada, ya’ni soniyaning trilliondan bir ulushida sodir bo‘ladi.
Kamerani fizika, kimyo, biologiya va biotibbiyotda davomiyligi soniyaning 0,2 trillion ulushiga teng reaksiyalarni tasvirga olish uchun qo‘llash mo‘ljallanmoqda.