Venesuelaning Karabobo shtati poytaxti Valensiyada hukumatga qarshi namoyishlar davomida 48 ta do‘kon talon-taroj qilindi. Bu haqda “TASS” xabar bermoqda.
Shahar savdo palatasiga ko‘ra, nafaqat oziq-ovqat, balki kiyim-kechak va maishiy texnika do‘konlariga ham hujum uyushtirilgan. Jabrlanganlar va ko‘rilgan umumiy zarar to‘g‘risida ma’lumot berilmadi.
Talonchilikdan aziyat chekayotgan sotuvchilar huquq-tartibot idoralari namoyishlarni tarqatish bilan cheklanmay, tadbirkorlik faoliyati xavfsizligini ham ta’minlashi lozimligini bildirmoqda.
Izoh (0)