Bugun,

  • USD 11095.31
  • RUB 173.84
  • EUR 10772.44

2-may, seshanba kuni Reddit yangiliklar sayti foydalanuvchilari yosh qizchaning niqobini taqib olgan erkakning videosiga diqqat qaratdi. Videoga izoh qoldirganlar “o‘lik ko‘zli” niqobning katta inson tanasi bilan o‘ta uyg‘unligi sabab uni “qo‘rqinchli” deb atadi, deya xabar berdi TJournal.

Foto: TJournal

Foto: TJournal

Niqobni Kolorado shtatining Denver shahridan bo‘lgan Landon Mayer ismli ijodkor yaratgan. U 2000-yilda Hyperflesh kompaniyasiga asos solgan va bolalar niqobini sota boshlagan, biroq keyinchalik mashhurlar “yuzi”ni yaratishga o‘tib ketgan. 17 yil davomida u Ebay orqali sotilgan ko‘plab ishlarni amalga oshirdi: Niqoblari ichida eng mashhurlari Charli Shin (“Vzvod”), Piter Dinkleyj (“Taxtlar o‘yini”), bokschi Mayk Tayson va AQSh sobiq prezidenti Barak Obamaga tegishli.

Mayer niqoblarni yaratishda 3D-printeridan foydalanadi, shundan so‘ng ularni bo‘yaydi va qo‘shimcha qismlar qo‘shadi: sochlar va ajinlar. Mayerning so‘zlariga ko‘ra, ba’zi niqoblarga bir necha hafta yoki oylab vaqt sarflaydi.

2016-yilda Mayer asosan siyosatga diqqat qaratadigan bo‘ldi. Kaliforniyadagi Monsterpalooza qo‘rqinchli fimlar festivalida uning kompaniyasi AQSh prezidentlik poygasining asosiy nomzodlari niqoblarini namoyish etdi: Donald Tramp, Hillari Klinton va Berni Sanders.

Foto: TJournal

Foto: TJournal

SNN’ning ma’lumotlariga ko‘ra, festivaldan so‘ng Mayer bu niqoblari 4,5 ming dollarga sotgan.

Ijodkor 2017-yilda yana Monsterpalooza’da paydo bo‘ldi. Bu safar u yaratgan Tramp, Putin va Kim Chen In niqobidagi odamlar birgalikda raqs ijro etdi. Shundan so‘ng, Shimoliy Koreya va AQSh yetakchilari janjallashib ketdi, Putin esa ularni yarashtirib qo‘ydi. Mayerning o‘zi Putin rolini ijro etdi.

Mayer qo‘rqinchli filmlarni yaxshi ko‘rgani uchun ataylab shu kabi niqoblarni yaratishini tan oldi.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
“O‘tgan yil davomida ichki ishlar xodimlari bilan bog‘liq 644 ta salbiy video tarqalgan” — Shohrux G‘iyosov