O‘zbekiston Respublikasi hukumatining 25-apreldagi qaroriga (PDF) muvofiq 2017—2021-yillar davomida yo‘lovchi avtovokzallari va avtostansiyalarini qurish hamda rekonstruksiya qilish bo‘yicha parametrlar tasdiqlandi, deb xabar berdi “Gazeta.uz”.
Yuqoridagi davr mobaynida 37 ta avtostansiya qurish va yana shunchasini rekonstruksiya qilish (umumiy miqdorda 74 ta obyekt, jumladan Jizzaxdagi avtovokzal ham) rejalashtirilgan. Bu yo‘lovchi tashish xavfsizligini va xizmat ko‘rsatishni yuqori darajasini, shuningdek, harakatlar doimiyligini ta’minlaydi.
Avtostansiyalarni modernizatsiya qilish umumiy miqdorda 23,429 milliard so‘mga baholanmoqda, shundan 9,915 milliard so‘m hududlarning mahalliy budjetidan, 8,359 milliard so‘m bank kreditlari hisobidan moliyalashtiriladi.
Qoraqalpog‘istonda 3 ta avtostansiya rekonstruksiya qilinadi, Andijon viloyatida esa 4 ta rekonstruksiya qilinadi va 1 ta quriladi, Buxoro viloyatida — 7 ta rekonstruksiya qilinadi, Jizzax viloyatida — avtovokzal va 2 ta avtostansiya ta’mirlanadi va 1 ta avtostansiya quriladi, Qashqadaryo viloyatida — 3 ta rekonstruksiya qilinadi va 3 ta quriladi, Navoiy viloyatida — 3 ta quriladi va 1 ta rekonstruksiya qilinadi, Namangan viloyatida — 6 ta quriladi va 2 ta rekonstruksiya qilinadi, Samarqand viloyatida — 7 ta quriladi, Sirdaryo viloyatida — 1 ta rekonstruksiya qilinadi va 1 ta quriladi, Surxondaryo viloyatida — 2 ta rekonstruksiya qilinadi va 3 ta quriladi, Toshkent viloyatida 11 ta rekonstruksiya qilinadi va 2 ta quriladi, Farg‘ona viloyatida — 6 ta quriladi va Xorazm viloyatida — 4 ta avtostansiya quriladi.
Shuningdek, qarorda O‘zbekistonda yetakchi xalqaro kompaniyalar bilan hamkorlikda yo‘lovchi mikroavtobuslarini ishlab chiqarishni tashkil etish bo‘yicha takliflarni tezlashtirish ham ko‘zda tutilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)