Apple o‘z logotipi sifatida nokdan foydalanmoqchi bo‘lgan kompaniyani yengib chiqdi

Apple huquqshunoslari Yevropa patent idorasini mevalardan faqat o‘zlari logotip sifatida foydalanish huquqiga ega ekanligiga ishontirdi, deb yozadi TJournal.

Apple kompaniyasi Pear Technologies kompaniyasi o‘z logotipida tishlangan nokni qo‘llamoqchi bo‘lganidan so‘ng Yevropa patent idorasiga murojaat qildi.

“Nok — olma emasligi ravshan. Ammo nok shaklidagi logotip, uning abstrakt shakli, yumshoq silueti va tepa burchakdagi bandi barchaga ma’lum bo‘lgan Apple logotipi bilan aniq o‘xshashlikni keltirib chiqaradi. Boshqacha aytganda, nok yaxshilikda olmadan qolishmaydi, Pear Technologies o‘z logotipi bilan iste’molchilarga aynan shuni bildirmoqchi”, — deya Yevropa patent idorasi xulosa chiqardi.

Nashr ta’kidlashicha, avvalroq Apple xuddi shu kompaniyaning nok ko‘rinishidagi boshqa savdo belgisining ro‘yxatga olinishiga ham qarshilik ko‘rsatgan edi, u “olma”ga bundan ham kamroq o‘xshashlikka ega edi.