AQSh prezidenti Donald Tramp davlat rahbari lavozimidagi 100-kunda Oq Uy muxbirlari assotsiatsiyasining an’anaviy ziyofatida ishtirok etish niyatida emas. Bu haqda uning o‘zi Twitter’dagi sahifasida ma’lum qildi, deya xabar beradi “TASS”.
“Kelgusi shanbada Pensilvaniyada katta yig‘ilish o‘tkazaman. Buni sabrsizlik bilan kutyapman!” — degan yozuv qoldirgan Tramp o‘z sahifasida.
Prezident tarafdorlari tadbiri Garrisberg shahrida bo‘lib o‘tadi. O‘tgan haftada Tramp davlat rahbarligi lavozimidagi 100 kun sanasi “kulgili rasmiyatchilik” ekanligini ma’lum qilgandi.
AQSh prezidenti fevral oyida assotsiatsiyaning 29-aprelga rejalashtirilgan qabulida ishtirok etmasligini bildirgandi. O‘shanda Tramp buni jurnalistlarning aksariyati u haqda noto‘g‘ri ma’lumotlar chop etayotganini hazm qilolmasligi bilan izohlagan.
Tramp Oq uy muxbirlari assotsiatsiyasi taklifini qabul qilmagan 36 yil davomidagi birinchi davlat rahbari bo‘ldi.
Izoh (0)