Seul markaziy ma’muriy okrug sudi Janubiy Koreya sobiq prezidenti Pak Kin Xening katta kotibi U Byon Uni hibsga olish bo‘yicha prokuratura so‘rovini yana qaytardi. Bu haqda “TASS” xabar bermoqda.
“Sudya Kvon Sun Xo qamoqqa olish uchun yetarlicha asos yo‘qligi haqidagi xulosaga keldi. Sudlanuvchi yashirinish yoki dalillarni yo‘q qilishga harakat qilayotgani yo‘q”, — deyiladi sud xabarida.
Sobiq kotib Pak Kin Xe atrofidagi korrupsiyaviy mojaroga aralashganlik, vakolatlarini suist’mol qilish, vazifalarini to‘laqonli bajarmaslik va parlamentda yolg‘on guvohlik berishda ayblanmoqda.
Prokuratura vakillari keyinchalik U Byon U ga nisbatan qo‘shimcha ayblovlar ilgari surilishini bildirdi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)