Qatar Yulduzlar ligasining 25-tur uchrashuvlari yakunlandi.
Mavsum avvalida chempionlik uchun kurashishi taxmin qilingan Sardor Rashidovning “Al-Jaish” klubiga yil omadsiz keldi. Avvaliga “Bunyodkor”ni mag‘lub eta olmay, Chempionlar ligasining guruh bosqichiga chiqa olmagan Sabri Lyamushi shogirdlari, endi milliy chempionatda ham sovrinsiz qoladigan bo‘ldi.
25-turda Sardor Rashidov ikkinchi bo‘lim boshida maydonga chiqarildi. Biroq bu “Al-Jaish” uchun foydali bo‘lmadi va klub mag‘lub bo‘ldi. Shu tariqa Lyamushi jamoasi kuchli uchlikka ham kira olmaydigan bo‘ldi.
Sanjar Tursunov to‘p suradigan “Al-Haraytiyat” esa 7-o‘ringa ko‘tarilib oldi. Jamoaning asosiy futbolchilaridan hisoblangan o‘zbekistonlik yigit tomonidan urilgan gol bunda as qotdi.
فيديو : هدف الخريطيات الثاني على معيذر عبر سانجار تورسنوف د58 #دوري_نجوم_قطر #الخريطيات_معيذر pic.twitter.com/CgoGnL47l2
— قنوات الكاس (@AlkassTVSports) April 7, 2017
Ma’lumot uchun, Tursunov Qatar chempionatida 12 ta o‘yin o‘tkazib, 2 ta gol urishga muvaffaq bo‘ldi. Mazkur turda, shuningdek, Sanjar Shoahmedov Xavi to‘p suradigan klub darvozasini aniq nishonga olgandi.
Qatar Yulduzlar ligasida mavsum yana 1 ta turdan keyin yakuniga yetadi.
Qatar Yulduzlar ligasi 25-tur 7-aprel, juma