Rossiya hukumati Vladimir Putinga Rossiya va O‘zbekiston o‘rtasida harbiy-texnik hamkorlikni rivojlantirish bo‘yicha shartnomani Davlat dumasiga ratifikatsiya uchun kiritishga jo‘natdi. Hukumatning tegishli qarori 28-martda imzolangan. Bu haqda “TASS” xabar berdi.
Rossiya va O‘zbekiston Mudofaa vazirlari — armiya generali Sergey Shoygu va general-polkovnik Qobul Berdiyev 2016-yil 29-noyabrda Moskvada harbiy-texnik hamkorlikni rivojlantirish bo‘yicha shartnoma hamda 2017-yilda harbiy idoralar o‘rtasidagi ikki tomonlama hamkorlik rejasini imzolagan edi.
Shartnomaga ko‘ra, tomonlar Rossiya va O‘zbekistonda harbiy xavfsizlikni ta’minlash, ikki mamlakat Qurolli kuchlarining harbiy salohiyatini mustahkamlash, harbiy kadrlar tayyorlash, harbiy-texnik hamkorlik bo‘yicha qo‘shma tadbirlarni amalga oshiradi. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)