“O‘zbekneftgaz” va “QazMunayGaz” kompaniyalari neftgaz sohasida hamkorlik to‘g‘risida bitim imzoladi. “Gazeta.uz”ning yozishicha, hujjat O‘zbekiston Prezidenti Shavkat Mirziyoyevning Qozog‘istonga davlat tashrifi doirasida, 23-mart kuni imzolangan.
“QazMunayGaz” saytida yozilishicha, kompaniyalar Rossiya neftini O‘zbekistonga tranzit qilish bo‘yicha kelishuvga erishgan.
O‘zbekiston neftni qayta ishlash sanoatini modernizatsiya qilish loyihalari doirasida “QazTransOyl”ning neft quvurlari tizimini O‘zbekiston yo‘nalishi bo‘ylab rekonstruksiya qilish va kengaytirish imkoniyatlari o‘rganib chiqiladi.
“QazMunayGaz” O‘zbekistondagi mavjud neftni qayta ishlash zavod (NQZ)larini modernizatsiya qilish loyihalari bo‘yicha “O‘zbekneftgaz”ga texnik ko‘mak ko‘rsatadi va mamlakatda yangi NQZ qurishda texnik ko‘mak ko‘rsatish imkoniyatlarini ko‘rib chiqadi.
Ostonada, shuningdek, “O‘zbekneftgaz” va Qozog‘iston Energetika vazirligi o‘rtasida neftgaz sanoati sohasidagi hamkorlik bo‘yicha o‘zaro anglashuv to‘g‘risidagi memorandum ham imzolangan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)