Xitoy arxeologlari Sichuan provinsiyasidagi Chendu shahridan 50 kilometr janubda, Yanszi irmog‘i hisoblanadigan Minszyan daryosi tubida 10 mingdan ortiq qadimiy ashyoni topdi. Bu haqda “RIA Novosti” xabar bermoqda.

Foto: Twitter / @XHNews

Foto: Twitter / @XHNews

Daryo tubida oltin, kumush va bronza tangalar, zargarlik buyumlari, metall qurollar — qilich, pichoq va nayzalar aniqlangani bildirilmoqda. 

Topilmalar Min sulolasi (1368—1644-yillar) sulolasi davriga mansub. Arxeologik ishlar yanvarda boshlangan va aprelgacha davom etadi.