Suriya muxolifatining muzokaralar bo‘yicha oliy qo‘mitasi o‘z delegatsiyasi Jenevadagi muzokaralarning navbatdagi raundida ishtirok etishini tasdiqladi. Bu haqda delegatsiya a’zosi Yahyo al-Aridiy ma’lum qildi, deya xabar beradi “Gazeta.ru”.
“Taklifnomalar jo‘natilgan. Delegatsiya Jenevaga 22-mart kuni yetib boradi va ertasidan muzokaralarga kirishadi”, — deya ta’kidladi Yahyo al-Aridiy.
Muxolifat vakiliga ko‘ra, qo‘mita bo‘lajak muzokaralarda ishtirok etishga jiddiy qaramoqda. Delegatsiya tarkibiga qurolli guruhlar vakillari ham kiritilgan.
Eslatib o‘tamiz, Qozog‘iston poytaxti Ostonada o‘tgan Suriya bo‘yicha oxirgi muzokaralarda muxolifat ishtirok etmagandi.