Dunyoning internet mavjud bo‘lmagan joylari

Bugungi kunda internet butun dunyoni to‘liq qamrab olgandek tuyuladi. Ammo internet foydalanuvchilari soni sayyora aholisi sonining yarmidan kamrog‘ini tashkil etadi. Va dunyoda internet umuman mavjud bo‘lmagan joylar ham bor. Sayyoradagi bunday joylar haqida Travel Ask hikoya qildi.

Shimoliy Koreya

Foto: Travel Ask

Foto: Travel Ask

Shimoliy Koreyada biz uchun odatiy bo‘lgan internet yo‘q. Ularning Kvanmyon deb ataluvchi o‘z ichki tarmog‘i bor, u Butunjahon internetidan ajratib qo‘yilgan va asosan davlat mafkurasi targ‘ibotiga bag‘ishlangan. Undan faqat imtiyozli kishilargina foydalanishi mumkin, bular mamlakat rahbariyati, shuningdek, xorijiy firmalar va elchixonalar. Oddiy fuqarolarning unga ulanish imkoniyati juda cheklangan: oddiy odamlar uchun forumlar bor, ammo portallarni to‘ldirish davlat tomonidan qat’iy nazorat qilinadi.

Myanma

Foto: Travel Ask

Foto: Travel Ask

Harbiy rejim va doimiy urushlardan qiynalib ketgan Myanma aholisi ham internetdan foydalanish imkoniyatiga ega emas, aniqrog‘i, aholining 1 foizdan kamrog‘ida bunday imkoniyat bor. Xalq qo‘zg‘olonlari chog‘ida internetni to‘liq uzib qo‘yishadi, internet bilan bog‘liq harakatlarning ko‘pchiligi uchun esa qamalish mumkin.

Sharqiy Timor

Foto: Travel Ask

Foto: Travel Ask

Sharqiy Timor — Yevroittifoq mamlakatlari bilan vizasiz rejimni yo‘lga qo‘ygan yosh orol davlat. Ammo bu yerda aholining 0,2 foizigina internetdan foydalanadi.

Afrika mamlakatlari

Foto: Travel Ask

Foto: Travel Ask

Afrikaning ko‘plab mamlakatlarida internet foydalanuvchilari soni zo‘rg‘a 1 foizdan oshadi. Albatta, bu umumiy qashshoqlik, past ta’lim darajasi va juda zaif kompyuterlashtirish bilan bog‘liq. Bunday mamlakatlarga Kongo, Efiopiya, Liberiya, Niger, Gvineya kiradi.

Va internetdan uzoq bo‘lgan boshqa mamlakatlar

Bundan tashqari, Turkmaniston, Tojikiston, Afg‘oniston, Pokiston, Laos, Kamboja, Madagaskar, Somali aholisining 80 foizdan ortig‘i internetdan foydalanish imkoniyatiga ega emas.

↓ KEYINGI XABAR ↓
Boshiga chiqing