Bugun,

  • USD 11095.31
  • RUB 173.84
  • EUR 10772.44

Butunjahon boks seriyasi (WSB)ning VII mavsum “C” guruhi 4-turi doirasida O‘zbekistonning Uzbek Tigers jamoasi Toshkentdagi “O‘zbekiston” sport majmuasida Xitoyning China Dragons bokschilariga qarshi bahs olib bordi.

Boks oqshomining so‘nggi jangida +91 kilogramm vazndagi bokschilar kuch sinashdi. O‘zbekiston sharafini himoya qilgan Bahodir Jalolov xitoylik Xaypeng Muga qarshi bellashdi va 3-raundda raqibini texnik nokautga uchratdi.

Foto: WSB

Foto: WSB

 

Avvalroq Uzbek Tigers vakillari Abrorjon Qodirov (-52 kg), Murodjon Ahmadaliyev (-60 kg), Shahram G‘iyosov (-69 kg) va Bektemir Meliqo‘ziyev (-81 kg)o‘z raqiblarini mag‘lubiyatga uchratishga muvaffaq bo‘lgandi. Mazkur bellashuvdan keyin Uzbek Tigers hisobni 5:0 ko‘rinishini oldi va Uzbek Tiger mavsumdagi ikkinchi g‘alabasini qo‘lga kiritdi.

Eslatib o‘tamiz, bundan avval Uzbek Tigers WSB doirasida uchta jang o‘tkazgan edi. O‘zbekistonlik bokschilar avvaliga Xitoyda China Dragons’dan 2:3 hisobida yengilgan bo‘lsa, keyinroq Qozog‘istonda Astana Arlans’ga 1:4 hisobida imkoniyatni boy bergandi. Toshkentda bo‘lib o‘tgan 3-turda Uzbek Tigers Rossiyaning Patriot Boxing Team jamoasini 5:0 hisobida taslim qilgandi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!

Izoh
Asosiy yangiliklar
Shou-biznes
Milliarderlar nonushtasi: sayyoradagi eng boy odamlar ertalab nima yeydi?
Mahalliy
O‘zbekiston tomoni Qirg‘iziston bilan chegaradagi devorni buzib tashladi (video)
Mahalliy
Andijonda avtohalokat sodir etib, bir kishining o‘limiga sabab bo‘lgan YHXB xodimi jazosiz qolayotgani aytilmoqda