Rossiya prezidenti Vladimir Putin 10-mart kuni Moskvada Turkiya prezidenti Rajab Toyyib Erdo‘g‘on bilan bo‘lib o‘tgan uchrashuv chog‘ida Turkiya tomoniga C-400 havo hujumiga qarshi mudofaa tizimini yetkazib berish imkoniyatini muhokama qildi, deb yozadi “Gazeta.ru”.
Ta’kidlanishicha, Erdo‘g‘on C-400’ni sotib olishga qiziqish bildirgan va ayni paytda ehtimoliy shartnoma narxini surishtirmoqda.
Rossiya prezidentining matbuot kotibi Dmitriy Peskov “Izvestiya” gazetasiga ma’lum qilishicha, Rossiya tomoni ham ushbu sohadagi hamkorlikka qarshi emas.
“Tomonlar qiziqish bildirmoqda, suhbat hali davom etadi”, — dedi u.
Izoh (0)