Kanadaning Kvebek provinsiyasi Megog shahri yaqinida kuchli qor yog‘ishi oqibatida 14-mart, seshanba kuni 50 ga yaqin avtomobil bir-biri bilan to‘qnashib ketdi. Bu haqda CBC telekanaliga asoslanib, “TASS” xabar bermoqda.
Politsiyaning ma’lum qilishicha, yirik yo‘l-transport hodisasi tufayli Megog shahri shifoxonasiga ko‘plab jarohatlarganlar yetkazildi. Ularning aniq soni hozircha noma’lum. Dastlabki ma’lumotlarga ko‘ra, Megogdagi YTHda hech kim halok bo‘lmagan.
Qo‘shni Ontario provinsiyasida ham 14-mart, seshanba kuni 30 avtoulov ishtirokida yirik YTH sodir bo‘ldi. Ular orasida zaharli moddalarni olib ketayotgan yuk mashinasi ham bor edi. Uning yukidan ag‘darilgan zaharlik moddalar oqibatida 1 kishi halok bo‘ldi, yana 29 nafari jabrlandi.
Kanada milliy meteobyurosining ma’lumotiga ko‘ra, mamlakatning sharqiy provinsiyalari – Ontario, Kvebek va Nyu-Bransuikda 1 sutkada 50 santimetrgacha qor yog‘ishi mumkin.
“Daryo”ning Telegram’dagi rasmiy kanali — @toshqindaryo’ga a’zo bo‘ling!