SpaceX kompaniyasining EchoStar-23 telekommunikatsiya sun’iy yo‘ldoshini tashuvchi raketa Falcon 9 ning parvozi ob-havo sharoiti tufayli boshqa kunga ko‘chirildi. Bu haqda kompaniyaning Twitter’dagi xabariga tayanib, “Kommersant” xabar bermoqda.
“Parvoz kuchli shamol tufayli keyinga qoldirildi, navbatdagi parvozga urinishni amalga oshirish ehtimoli ustida ish olib bormoqdamiz”, — deyiladi xabarda.
Parvoz 14-mart, bugunga rejalashtirilgan bo‘lib, ob-havo bashoratlari maqbul edi.
EchoStar-23 sun’iy yo‘ldoshi Janubiy Amerika hududida teleuzatish uchun mo‘ljallangan. Og‘irligi 5,5 tonna bo‘lgan qurilma geostatsionar orbitada 35 ming kilometrga yaqin balandlikda ishlashi lozim.
Izoh (0)