Xitoy bank tizimi Yevroittifoq banklarini ortda qoldirib, aktivlar hajmi bo‘yicha dunyodagi eng yirigiga aylandi, deb yozadi “Kommersant” The Financial Times’ga tayanib. Bu Pekin tomonidan 2008-yildan buyon jahon inqirozi oqibatlarini yumshatuvchi rag‘batlantirish choralarini ko‘zda tutuvchi siyosat o‘tkazilayotgan bir paytda yuz berdi.
Xitoyning bank aktivlari 2016-yil oxirida 33 trillion dollarni tashkil qildi, yevrohudud bank aktivlari — 31 trillion dollar, AQShniki — 16 trillion dollar va Yaponiyaniki 7 trillion dollarga teng bo‘ldi. Xitoy Xalq Respublikasi bank tizimi hajmi mamlakatning har yillik yalpi ichki mahsulotidan uch karra ortiqroq.
O‘tgan yili Xitoy YaIM kutilganidek 6,7 foizga o‘sdi. Davlat xarajatlarining ko‘payishi, shuningdek, kredit berishning yuqori sur’atlari YaIM o‘sishiga turtki berdi.
Izoh (0)