Shimoliy Koreya rasmiylari Malayziya fuqarolariga KXDR hududini tark etishni vaqtinchalik man etdi. Bu haqda “Gazeta.ru” xabar bermoqda.
Rasmiylar bu qarorini Malayziyada bo‘lib turgan fuqarolari va diplomatlari xavfsizligi borasida qayg‘urish bilan izohladi.
Shimoliy Koreya TIV mazkur qaror haqida Malayziyaning KXDRdagi elchixonasini ogohlantirdi va ikki davlat o‘rtasidagi muammolar tezda va oqilona hal etilishiga umid bildirdi.
Eslatib o‘tamiz, oldinroq Malayziya KXDRning Kuala-Lumpurdagi elchisini persona non grata deb e’lon qildi va mamlakatni 48 soat mobaynida tark etish talabini qo‘ydi. Bunga javoban Shimoliy Koreya ham xuddi shunday yo‘l tutdi.
Izoh (0)