Avstraliyaning Nyukasl shahrida yashovchi erkak buyumlari orasidan 1 million mahalliy dollardan ko‘proq yutuq chiqqan lotereya chiptasini topib oldi. Bu haqda UPI xabar bermoqda.
U lotereya tashkilotchilariga mustahkam bo‘lishi uchun sumkalari tubiga joylashtiradigan kartonlarni almashtirishga qaror qilganini ma’lum qildi. Ulardan birining ostidan esa yo‘qolgan chipta topildi.
Garchi lotereya bundan bir yil avval o‘ynalgan bo‘lsa-da, erkak o‘z yutug‘i — 1020496,38 Avstraliya dollarini (781 ming AQSh dollari) olishga muvaffaq bo‘ldi.
“Pullarni bir yil oldin qo‘lga kiritishim mumkin edi. Lekin hechdan ko‘ra kech deyishadi-ku”, — deya quvonchini yashirmadi avstraliyalik. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)