Malayziya poytaxti aeroportida o‘ldirilgan KXDR yetakchisi akasi Kim Chon Namning o‘g‘li otasi jasadini olib ketish uchun Kuala-Lumpurga yetib keldi. Bu haqda Yaponiyaning NHK telekanali manbalariga tayanib, “TASS” xabar bermoqda.
Telekanalga ko‘ra, Kim Xan Sol Kuala-Lumpurga 21-fevral, seshanba kuni ertalab uchib keldi va otasining jasadi saqlanayotgan kasalxonaga borishga ulgurdi.
Kasalxona qo‘riqlanishi bu paytda keskin kuchaytirilgani, u yerni maxsus bo‘linmaning avtomat bilan qurollangan 30-40 nafar jangchisi himoya ostiga olgani bildirilmoqda.
NHK Kim Xan Sol otasining jasadini taniganini ta’kidlamoqda.
Eslatib o‘tamiz, oldinroq Shimoliy Koreyaning Malayziyadagi elchisi Kuala-Lumpur aeroportida o‘ldirilgan shaxs KXDR yetakchisining akasi emasligini da’vo qilgandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)