Somon Air aviakompaniyasi “Dushanbe—Toshkent” reysini amalga oshirish uchun “tegishli rasmiyatchilik ishlarini bajarmagani, zarur hujjatlarni jo‘natmagani” uchun 20-fevralga belgilangan reys amalga oshmagan. Bu haqda, “O‘zbekiston havo yo‘llari” milliy aviakompaniyasi matbuot xizmatiga asoslanib, “Kun” xabar bermoqda.“O‘zbekiston havo yo‘llari” matbuot xizmati rahbarining “Kun”ga bergan axborotida Toshkent aeroporti Dushanbedan keladigan reysni qabul qilishga tayyor emasligi haqidagi taxminlarni, O‘zbekiston tomoni bu reysni “asossiz ravishda taqiqlab qo‘ygani” haqidagi xabarlarni inkor qilgan. “Daryo”ning Telegram’dagi rasmiy kanali — @toshqindaryo’ga a’zo bo‘ling!
“Yaqin vaqt ichida ‘O‘zbekiston havo yo‘llari’ matbuot xizmati bu borada rasmiy izoh beradi”, — deyiladi “Kun” xabarida. Ushbu xabar tayyorlanayotgan vaqtda, “O‘zbekiston havo yo‘llari” vaziyat yuzasidan hech qanday izoh bermagan edi.
20-fevral kuni “Dushanbe—Toshkent” yo‘nalishi bo‘ylab birinchi muntazam aviaqatnov amalga oshirilishi rejalashtirilgan edi, biroq Somon Air bu reysni bekor qildi.
Avvalroq, 10-fevral kuni Somon Air Toshkentga texnik reysni amalga oshirgan, bu ikki mamlakat o‘rtasida so‘nggi 25 yilda amalga oshirilgan ilk aviaqatnov sifatida e’tirof etilgan edi.
Mavzuga doir: Tojikiston aviakompaniyasi O‘zbekistonga 1992-yildan buyon ilk texnik reysni amalga oshirdi
Izoh (0)