Eron diniy yetakchisi oyatulloh Ali Xomanaiy Donald Tramp lavozimini egallaganidan keyingi birinchi nutqida AQSh prezidenti Amerikaning “haqiqiy qiyofasi”ni ochib berganini bildirdi. Bu haqda “Gazeta.ru” xabar bermoqda.
“Biz Amerikaning haqiqiy qiyofasini ko‘rsatgani va bu bilan hayotimizni yengillashtirgani uchun undan minnatdormiz”, — deya ta’kidlagan oyatulloh Tehronda bo‘lib o‘tgan harbiy qo‘mondonlar bilan uchrashuv chog‘ida.
Eron diniy rahnamosiga ko‘ra, Tramp prezidentlik kampaniyasi chog‘ida va undan so‘ng Tehronning “AQSh hukmron tizimida siyosiy, iqtisodiy, axloqiy va ijtimoiy korrupsiya mavjudligi” haqidagi so‘zlarini tasdiqladi.
Eslatib o‘tamiz, oldinroq Donald Tramp Eronni “birinchi raqamli terrorchi davlat” deb atagandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)