BMW Blog portali ixtiyoriga yangilangan BMW M3’ning ilk rasmiy tasvirlari kelib tushdi, deb yozadi Motor.
2017-model yiliga tegishli yangilangan sedan o‘zgartirilgan optika va yangi opsional uskunalarga ega bo‘ldi. To‘rt eshikli avtomobil 2017-yil bahorida sotuvga chiqishi kerak.
Yangilangan M3’ning saloni old o‘rindiqlardagi nur taratib turuvchi M-logotipi biroz o‘zgargani bilan farqlanadi. Ammo kuch bilan bog‘liq qurilmalarida o‘zgarishlar yuz bermadi. M4 kabi, M3 ham 431 ot kuchiga teng olti silindrli va ikki turbinali motor bilan jihozlanadi. Mexanik uzatish qutisi bilan sedan 100 km/soat tezlikka 4,3 soniyada, “robotli” modifikatsiyada esa — 4,1 soniyada erishadi.
Qo‘shimcha to‘lov evaziga Competition Package to‘plamini sotib olish mumkin. Uning yordamida uch litrli “oltilik”ning quvvati 19 ot kuchiga ko‘payadi, soatiga 100 km tezlik olish vaqti esa 0,1 soniyaga qisqaradi.
Izoh (0)