Meksika pirotexnika bozoridagi portlash qurbonlari soni 42 kishiga yetdi

Meksikaning Tultepek shahridagi “San-Pablito” pirotexnika bozorida yuz bergan portlash oqibatida qurbon bo‘lganlar soni 42 kishiga yetdi. Bu haqda mahalliy OAVlar ma’lum qildi, deb yozadi “Kommersant”.

Portlash oqibatida jabrlangan yana to‘rt kishi shifoxonada ekanligi xabar qilinmoqda. Meksika rasmiylari bozorni qayta tiklashga so‘z berdi.

Avvalroq portlash oqibatida 36 kishining halok bo‘lganligi ma’lum qilingan edi. Eslatib o‘tamiz, portlash dekabr oyi oxirida Mexikodan 32 kilometr masofada joylashgan bozorda yuz bergan edi. Portlash sabablari hozirgacha aniqlanmagan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.