Navoiyda 395 nafar qariya bepul dori-darmon bilan ta’minlandi
“Sog‘lom avlod uchun” xalqaro xayriya fondining Qiziltepa tuman bo‘limi tomonidan 2016-yil davomida Navoiy viloyatidagi “Toshrabot”, “Arabxona”, “Azizobod”, “Husbuddin” qishloq vrachlik punktlarida 3 ming nafarga yaqin aholi tibbiy ko‘rikdan o‘tkazildi, deb xabar bermoqda “Do‘stlik bayrog‘i” gazetasi.
Aholining reproduktiv salomatligini mustahkamlash, onalar, bolalar va o‘smirlar sog‘ligini muhofaza qilish maqsadida viloyatda amalga oshirilgan bu kabi chora-tadbirlar natijasida 395 nafar ijtimoiy himoyaga muhtoj qariyaga bepul dori-darmonlar tarqatildi.
Ko‘rish qobiliyati susaygan 20 nafar fuqaro fond tomonidan ko‘zoynaklar bilan ta’minlandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
